Keçmiş səhiyyə naziri Əli İnsanov ədliyyə naziri Fikrət Məmmədovu məhkəməyə verib. Bu barədə “Azadlıq”a keçmiş nazirin vəkili Toğrul Babayev məlumat verib.
İddia ərizəsinin dünən 1 saylı Bakı İnzibati-İqtisadi Məhkəməsinə təqdim olunduğunu deyən vəkilin sözlərinə görə, hələ bu il martın 14-də Avropa Məhkəməsi Əli İnsanovun şikayəti əsasında qəbul etdiyi qərarda keçmiş nazirin Avropa Konvensiyasının 3-cü (işgəncələrə, qeyri-insani rəftara məruz qalmamaq hüququ) maddəsilə təminat verilən hüququnun pozulduğunu təsdiqləyib, buna görə Azərbaycan hökuməti cərimələnib. Amma bu günə qədər hüquq pozuntusuna yol verənlər cəzalandırılmayıb, Əli İnsanov da indiyədək dözülməz şəraitdə saxlanılır.
“Əli İnsanov hesab edir ki, onun ağır şəraitdə saxlanılması bilavasitə ədliyyə naziri Fikrət Məmmədovun göstərişilə həyata keçirilir. Buna görə də ədliyyə nazirinin qanunsuz hərəkətlərinin qarşısının alınması üçün məhkəməyə müraciət edib”, – deyə Toğrul Babayev bildirib.
Aytən