Qarabağ qazisi Həmkarlar İttifaqı Konfederasiyası qarşısında özünü yandırdı. Elə Konstitusiya Məhkəməsinin qarşısı da yazmaq olar. Bu təşkilatların biri özünü xalqın təşkilatı, digəri qanunların nəzarətçisi sayır.
Biz Qarabağ müharibəsi iştirakçısının nə qədər haqlı, yaxud haqsız olduğunun üstünə qayıtmaq istəmirik. Ən kütləvi təşkilata bundan böyük etiraz forması da bilmirik. Bu binada oturanlar, başda sədrləri olmaqla, sadə adamların yiyəsi olmaqdan daha çox iqtidarın nökəri və bu nökərçiliyə görə muzd alan adamlardan o yana getmirlər. Mənə elə gəlir ki, Neftçilərin Hüquqlarını Müdafiə Komitəsinin sədri Mirvari Qəhrəmanlı bu böyük təşkilatdan daha çox iş görür. Çünki buyruq qulu icazəsiz iş görə bilmir, onun sözlüyündə etiraz kəlməsi yoxdur. Qiymətlər qalxır, Həmkarlar İttfaqının səsi eşidilmir. Ərzaq səbəti alman əsirlərə verilən ərzaqdan aşağıdır, yenə iqtidarın əvəzsiz əməllərindən söhbət açılır. Həmkarlar İttifaqlarının sanatoriyalarının qiyməti isə qonşu Gürcüstandan üç dəfə bahadır. Bu və başqa məsələlər barədə daha sonra…
Surxay Hüseynli
