Bu gün saat 09:37-də Xəzər rayonu Qala qəsəbəsindən Pirallahı qəsəbəsinə gedən avtomobil yolunda yol-nəqliyyat hadisəsi baş verib. Xüsusi Riskli Xilasetmə Xidmətinin Suraxanı və Xəzər rayonu üzrə xilasedicilər qrupu hadisə yerində olublar.
Hadisə yerinə baxış keçirilərkən məlum olub ki, 1983-cü il təvəllüdlü Əsgər Məmmədovun idarə etdiyi Vaz-2107 markalı 90-KF-613 dövlət nömrə nişanlı minik avtomobili 1966-cı il təvəllüdlü Əşrəf Zeynalovun oğlunun idarə etdiyi Zil markalı 06-BD-543 dövlət nömrə nişanlı yük avtomobili ilə toqquşub.
Ağır deformasiyaya uğramış Vaz-2107 markalı avtomobildə sıxılmış vəziyyətdə qalmış sürücü aldığı müxtəlif bədən xəsarətləri nəticəsində hadisə yerində vəfat edib.
Xilasedicilər cəsədi avtomobildən çıxararaq hüquq mühafizə orqanları əməkdaşlarına təhvil veriblər. (lent.az)
