Güney Azərbaycan Milli Azadlıq Cəbhəsi və Dünya Azərbaycanlıları Əlaqələndirmə Şurası Bakıdakı ofisindən çıxarılıb. Milli Elmlər Akademiyasının balansında olan ofis İstiqlaliyyət küçəsi, 8-də yerləşirdi.
Cəbhənin başqanı Qulamrza Səbri Təbrizi “Turan” agentliyinə deyib ki, akademiya rəsmiləri binanın onlara lazım olduğunu əsas gətirib: “Bu ofisi 2001-ci ildə bizə mərhum prezident Heydər Əliyev vermişdi. O özü də Dünya Azərbaycanlıları Əlaqələndirmə Şurasının sədri idi. Ofis İranın təkidi ilə əlimizdən alınıb”.
