Novella Cəfəroğlu Leyla Yunusu ölkədən qovmağı təklif edib
“Yeni Azərbaycan” qəzeti Hüquq müdafiəçisi Leyla Yunusun prinsipial ermənipərəst, demokratiya düşməni, vətənini satan bir insan olması haqda yazı dərc edib.
Qəzet öz arqumentlərini gücləndirmək üçün Müsavat partiyasının Məclis üzvü, hüquq müdafiəçisi Novella Cəfəroğlunun fikirlərini tirajlayıb.
Novella Cəfəroğlu Milli Şuranın üzvü, tanınmış hüquq müdafiəçisi Leyla Yunusu sərt tənqid atəşinə tutub.
“Yeni Azərbaycan” qəzetinin yazdığına görə Novella Cəfəroğlu bildirib ki, Leyla Yunusu ölkədən qovmaq lazımdır, Leyla Yunus Rusiyanın agentidir, biz onun kimi adamlara görə bu gündəyik, Leyla Yunus Azərbaycanı sevmir və s.
Leyla Yunus Novella Cəfəroğlunun fikirlərinə şərh vermək istəmədiyini bildirdi və məşhur atalar sözünü xatırladaraq fikrini tamamladı.
Novella Cəfəroğlunun fikirlərinə münasibət bildirən Müsavat başqanının müavini Gülağa Aslanlı hesab edir ki, bu, iki qadın arasında olan problemdi və bu mübahisəni də özləri həll etməlidir: “Bu məsələ mənim müdaxilə edəcəyim, şərh verəcəyim məsələ deyil. Qadınlar arasında baş verən narazılıq, mübahisə onların öz aralarında müzakirə olunub həllini tapmalıdır”.
Xatırladaq ki, Leyla Yunusa qarşı bu cür fikirləri Novella Cəfəroğlu bir neçə dəfə səsləndirib.
