Milli Məclisin binasının yaxınlığında “Mercedes” markalı avtomobil alovlanıb. Avtomobilin hansı səbəbdən yandığı, hələ ki, məlum deyil. Yanğının səbəbi aparılan müvafiq araşdırmalardan sonra məlum olacaq. Anspress-in verdiyi xəbərə görə, yanğın o qədər güclü olub ki, yolda avtomobillərin hərəkətində məhdudiyyət yaranıb. Bundan başqa yanan avtomobilə yaxınlaşmaq da mümkün olmayıb. Məlumata görə, yanğını partlayış da müşayiət edib. Hal-hazırda alovun qarşısının alınması üçün hadisə yerinə Dövlət Yanğından Mühafizə briqadalarının gəlməsi gözlənilir.
