İyulun 24-də Milli Şuranın İcra Aparatının, qurumun vahid namizədinin Seçki Qərargahının Planlaşdırma və Təşkilat şöbələri ilə Mitinq Komitəsinin birgə iclası keçirilib. İclasda Milli Şuranın vahid namizədinin irəli sürülməsi üçün təşəbbüs qrupunun yaradılması və yerlərdə seçici təşəbbüs qruplarının təşkili, regionlar üzrə Seçki Qərargahının koordinatorlarının müəyyən edilməsi kimi məslələr müzakirə olunub.
Eyni zamanda imza toplayacaq qrupların yaradılması və onlar üçün treninqlərin keçirilməsi ilə bağlı detallar da dəqiqləşdirilib. İclasda Mitinq Komitəsinin tərkibinin tam formalaşdırılmasıyla bağlı da müzakirələr aparılıb və Milli Şuranın qarşıdan gələn növbəti sessiyasına konkret təkliflər hazırlanıb.
