İqtidar nümayəndələrinin dəstək axtarışının nəticəsi olaraq yaxın günlərdə bütün məsələlər qətiləşəcək
Azərbaycan hakimiyyəti yaxın günlərdə qarşıdan gələn prezident seçkisi ilə bağlı yekun qərarını açıqlayacaq. Hakimiyyətdaxili mənbənin verdiyi məlumata görə, Yeni Azərbaycan Partiyası Ilham Əliyevin namizədliyini irəli sürsə də, bu yekun qərar hesab edilmir.
“YAP-ın tələsik olaraq Ilham Əliyevin namizədliyini irəli sürməsi həm hakimiyyətdaxili ziddiyyətlərdən, həm də beynəlxalq aləmin ölkə başçısının 3-cü namizədliyinə reaksiyasına yoxlamaqdan irəli gəlir.
Ilk baxışda hakimiyyət özünü çox arxayın göstərsə də, əslində seçkiyə Ilham Əliyevlə qatılmaq barədə komanda daxilində tərəddüdlər var. Mehriban Əliyevanın namizədliyi bu baxımdan gündəmə gətirilib. Amma bəlli oldu ki, iqtidardakı ”Naxçıvan” qruplaşması bunun əleyhinədir. Bu qruplaşma hesab edir ki, seçkiyə Ilham Əliyevlə qatılmaq ən doğru addımdır”.
Mənbənin sözlərinə görə, hələki iqtidar daxilində seçkilə bağlı yekdil rəy yoxdur. Yekun qərar hakimiyyət rəsmilərinin seçkidə beynəlxalq dəstək qazanmaq üçün başlatdığı son səfərlərdən sonra veriləcək. “Ilham Əliyevin birinici xanımı Mehriban Əliyeva Fransaya, neft şirkətinin prezidenti Rövnəq Abdullayev ABŞ-a səfər edib. Xarici işlər naziri Elmar Məmmədyarov isə Brüsselə gedəcək. Bu səfərlərin nəticəsindən asılı olaraq yekun qərar veriləcək”.
Azad