ABŞ-ın hazırkı vitse-prezidenti Co Bayden 2016-cı ildə keçiriləcək prezident seçkilərində iştirak etmək niyyətindədir. APA-nın məlumatına görə, bu barədə Co Bayden ABŞ-ın “GQ” nəşrinə müsahibəsində bildirib. O deyib ki, seçkilərdə iştirakı bir neçə amildən asılı olacaq:
“Əgər o vaxta qədər gücüm və enercim tükənməsə və özümü ən yaxşı namizəd kimi hiss etsəm, o zaman namizədliyimi irəli sürəcəyəm. Eyni zamanda, əgər Demokrat Partiyasının digər layiqli namizədi Hillari Klinton öz namizədliyini irəli sürməsə, mən prezident kürsüsü uğrunda mübarizəyə qoşula bilərəm”.
Qeyd edək ki, 70 yaşlı siyasətçi bundan əvvəl 1988 və 2008-ci ildə prezidentlik uğrunda mübarizəyə qoşulub, lakin seçkilərin son mərhələsinə qədər gedib çıxa bilməyib.