Dünən ANS-in çəkiliş qrupu evləri söküləcək Xutor sakinlərilə görüşüb. Sakinlər onlara təklif olunan kompensasiyadan şikayət ediblər. Sakinlər bildirib ki, dövlət başçısına, müxtəlif qurumlara dəfələrlə müraciət etsələr də, onların səsinə səs verən yoxdur.
Dövlət başçısı Bakıda sökülən evlərin hər kvadratmetrinə 1500 manat kompensasiyanın ədalətli olduğunu (əslində sakinlər bunu da ədalətsiz sayırlar) deməsinə baxmayaraq, hətta adamlara bu məbləğ də verilmir. Artıq neçə ildir toz-torpaq içərisində yaşadıqlarını deyən sakinlər şikayətlərinin ünvanına çatacağına və ədalətli kompensasiya alacaqlarına ümid etdiklərini bildiriblər. Əks halda onlar evlərindən çıxmayacaqlarını deyiblər və mülkləri uğrunda mübarizəni sona qədər aparacaqlarını bildiriblər.
İnformasiya şöbəsi
