Bu, Türkiyə baş nazirinin Amerikaya səfəri tarixində ilk olaydır
Türkiyə baş naziri Rəcəb Tayyip Ərdoğanın mayın 16-da ABŞ-a səfərində bir ilk olacaq. Belə ki, Amerika prezidenti Barak Obama Ərdoğanı ancaq seçilmişlər üçün nəzərdə tutulan dövlət qonaq evi “Blair House”da qonaq edəcək.
Türkiyə baş naziri Amerika Birləşmiş Ştatlarına mayın 16-da səfər edəcək.
Qeyd edək ki, bu vaxta qədər bir çox lider və nazirləri qonaq edən “Blair House”da türk qonaqlar arasında mərhum prezident Turqut Özal, sabiq mərhum baş nazir Bülent Ecevit və keçmiş baş nazir Tansu Çiller olub.
Obamanın türk heyətini “Blair House”da qonaq etməsi mühüm bir jest kimi şərh edilir (ans press).
