Aprelin 5-i günorta saatlarında Bakının mərkəzində – Nizami metrostansiyası yaxınlığında 40-50 nəfərlik qrup etiraz nümayişi keçirib. Sayları 50-ə yaxın gənclərin əllərində “Hicaba azadlıq”, “Hicab məhbuslarına azadlıq” şüarları və məhbus dindarların şəkilləri olub. Bu barədə FaktXeber.com-a aksiya şahidləri məlumat verib. Aksiya iştirakçıları Nizami metrosunun qarşısından Xarici İşlər Nazirliyinin binasının önünə qədər yürüş edərək, dağılışıblar.
Qeyd edək ki, sonradan əraziyə cəlb edilən polis əməkdaşları Nizami Metrosunun ətrafını nəzarətə götürüblər. Aksiya zamanı hər hansı bir insident və qarşıdurma baş verməyib.
