Vinnitsaya atılan Rusiya raketlərinin ofis binasına, yaşayış binalarına və tibbi mərkəzə düşdüyü deyilir
Ukraynanın mərkəzindəki Vinnitsa şəhərinə raket zərbələri endirilməsi nəticəsində azı 23 nəfərin öldüyü, onlardan 3-nün uşaq olduğu bildirilir.
Bu barədə məlumatı Ukraynanın Dövlət Fövqəladə Hallar Xidməti verib.
Sosial şəbəkələrdə yayılan video və fotolardan görünür ki, raketlərdən biri 9 mərtəbəli yaşayış binasının maşın parkına düşüb.
Bu binanın qarşısında yerləşən Zabitlər evinin də bir hissəsinin dağıldığı görünür.
Azı 50 nəfərin xəsarət aldığı xəbər verilir.
Azadlıq radiosu
