Xarkovun mərkəzinə raket atılıb
Ukraynanın ikinci böyük şəhəri olan Xarkovun mərkəzindəki Azadlıq Meydanına zərbə endirildiyi xəbər verilir. BBC-nin məlumatına görə, Rusiya sərhədi yaxınlığında yerləşən şəhərdə regional hökumətin binası raketlə vurulub.
Ukrayna Gürcüstandakı səfirini geri çağırır
Ukrayna Gürcüstandakı səfiri İqor Dolqovu məsləhətləşmə üçün geri çağırır.
“Bizə kömək etmək istəyən könüllülərə maneəyə, sanksiyalara münasibətdə mənəviyyatsız mövqeyə görə”, – Ukrayna prezidenti videomüraciətində deyib.
Mariupol mühasirəyə alınır
Martın 1-də Rusiya qüvvələrinin Mariupol liman şəhərini də mühasirəyə almağa çalışması xəbərləri gəlir. Məlumatlara görə, Rusiya qüvvələrinin hücumlarından sonra Mariupol elektriksiz qalıb.
Rusiyanın Ukraynaya hücumu davam edir
Kiyevin qərbindəki Buça şəhərində paytaxta doğru irəliləyən Rusiya hərbçiləri ilə Ukrayna hərbçiləri arasında döyüşlər getdiyi bildirilir.
Azadlıq radiosu
