ABŞ Prezidenti Barak Obama elan edib ki, Birləşmiş Ştatlar Suriyanın əsas müxalifət qrupunu Suriya xalqının «qanuni nümayəndəsi» kimi tanımağa qərar verib.
Bu addım Vaşinqtonun Suriya prezidenti Bəşər Əsəd rejimini artıq tanımaması deməkdir. Bundan əvvəl ABŞ dəfələrlə Əsədi hakimiyyətdən getməyə çağırıb.
Amerikanın ABC News televiziyasına müsahibəsində Obama deyib ki, bu yaxınlarda formalaşmış Suriya Müxalifət Şurasında ölkənin müxtəlif fraksiyaları təmsil olunur və beynəlxalq qanuniliyə layiqdir.
Obama əlavə edib ki, bu cür tanınandan sonra, Şura məsuliyyətlə davranmalı, qadınların və azlıqların hüquqlarına hörmətlə yanaşmalıdır (“Azadlıq” radiosu).
