PA rəhbərinin YAP-dan çıxardığı məşhurları onun üzərinə qaldırmaq planları var
Vaxtilə hakim Yeni Azərbaycan Partiyasından uzaqlaşdırılmış məşhur simalar Prezident Admnistrasiyasının rəhbəri Ramiz Mehdiyevin üstünə qaldırılır. Bu barədə “Azadlıq”a adının çəkilməsini istəməyən YAP-ın məşhur sabiqlərindən biri məlumat verib. Mənbənin sözlərinə görə, hakimiyyətdəki qruplaşmalardan biri onlarla danışıqlar aparır. O, hansı qruplaşmadan söhbət getdiyini açıqlamaq istəməyib.
“Bizə bildirilir ki, sizin YAP-dan uzaqlaşdırılmağınızda Ramiz Mehdiyevin əhəmiyyətli rolu olub. Indi bunu əvəzini çıxmaq üçün fürsətdir”, – deyə sabiq YAP-çı bildirib.
Mənbə əlavə edib ki, onlar hələ qərar verməyiblər. “Vəziyyətə baxacağıq”, – deyə sabiq YAP-çı əlavə edib.
Maraqlıdır ki, YAP-ın özündə də Ramiz Mehdiyevlə bağlı tərəddüdlər var. Hər halda Elşad Abdullayev məsələsində hakim partiyadan PA rəhbərinə dəstək müşahidə edilmədi. Ramiz Mehdiyevin hər iki açıqlamasından gözlənilirdi ki, YAP-çılar PA rəhbərinin fikirlərini genişləndərəcək. Lakin bu baş vermədi.
Məlumatlara görə, Naxçıvan qruplaşmasının digər qanadına rəhbərlik edən fövqəladə hallar naziri Kəmaləddin Heydərov da bu məsələdə nə edəcəyi barədə qəti qərara gələ bilmir. Bir tərəfdən Ramiz Mehdiyevin ona qarşı hücumlarını yaddan çıxara bilməyən və bunun qisasını almaq istəyən “fövqəlnazir” digər tərəfdən PA rəhbərinin rəqibi olan Paşayevlərin bütövlükdə Naxçıvan qruplaşmasını sıradan çıxarmaq niyyətində olduğunu bilir və özünün də bu dalğada “vurula” biləcəyini düşünür.
_______
Azad
