Azərbaycan İrana sadələşdirilmiş gediş-gəliş qaydalarını ləğv edir

Milli Məclis dekabrın 11-də növbəti plenar iclasını keçirəcək. Modern.az saytı xəbər verir ki, iclasının gündəliyinə 25 məsələ daxildir. Siyahıda diqqət çəkən əsas məsələ isə Azərbaycanın İranla sərhədyanı rayonlarında yaşayan vətəndaşlar üçün sadələşdirilmiş sərhəd qaydalarının ləğvinin gündəliyə çıxarılmasıdır.
Belə ki, parlament sabah “Azərbaycan Respublikası Hökuməti ilə İran İslam Respublikası Hökuməti arasında sərhədyanı rayonlarda yaşayan Azərbaycan Respublikası və İran İslam Respublikası vətəndaşlarının sadələşdirilmiş qaydada sərhədi keçmələri haqqında” Memorandumun təsdiq edilməsi barədə” Azərbaycan Respublikasının 2005-ci il 5 aprel tarixli 879-IIQ nömrəli Qanununun ləğv edilməsi haqqında Azərbaycan Respublikası qanununun layihəsi barədə sənədi müzakirə edəcək.