İran Silahlı Qüvvələrinin baş qərargah rəisinin müavini Məsud Cəzayeri dekabrın 9-da jurnalistlərə açıqlamasında ABŞ və İsrailə qarşı sərt bəyanatlar səsləndirib.
“Media forum” saytının məlumatına görə, Məsud Cəzayeri deyib ki, İrana hücum İsrailin məhvi ilə nəticələnər: “Amerika və İsrail bizə hücum etmək gücündə deyil. Onlar bilməlidirlər ki, bizim özümüzü müdafiə etmək üçün kifayət qədər gücümüz var. Bölgənin mövcud gerçəkliyini nəzərə alaraq demək olar ki, nəinki İsrail, hətta Amerikanın özü də bütün gücünə baxmayaraq hazırda İrana qarşı hərbi əməliyyatlar keçirməyə qadir deyillər. Şübhə yoxdur ki, İsrail belə bir səhvə yol versə, bu addım qəsbkar sionist rejiminin məhvi ilə nəticələnəcək”.
