«Putin indi ətalət prezidentidir, Lukaşenkonu diktator adlandırıb, ona müttəfiq demək düzgün deyil»
Rusiya Vətəndaş Birliyi Cəbhəsinin lideri Harri Kasparov ABŞ-ın çox vaxt milli strateji maraqlardan çıxış edərək, insan hüquqlarını pozduqlarına görə rejimləri seçmə yolla tənqid etdiyini deyib.
Rusiya müxalifət lideri bu açıqlamaları ABŞ paytaxtı Vaşinqtonda insan hüquqlarına dair keçirilmiş konfransda çıxışında verib. O qeyd edib ki, ABŞ hökuməti insan hüquqlarının müdafiəsi sahəsində mənəvi liderliyini bərpa etmək üçün ikili standartlardan əl çəkməlidir.
Harri Kasparov “Amerikanın səsi” radiosuna müsahibəsində Rusiyada prezident seçkiləri haqqında da danışıb. Rusiya və Sovet Ittifaqında vəziyyəti fərqləndirən H.Kasparovun sözlərinə görə, sovet dövründə dissident hərəkatının tərəfdarları azad dünya ilə onlar arasında bir mənəvi həmrəylik olduğunu hiss edirdi:”Qərb ölkələrinin liderləri və ilk növbədə Ronald Reyqan buna diqqət verirdi. Reyqan sovet liderləri ilə nüvə silahlarının ixtisarına dair danışıqlar aparırdı, amma eyni zamanda siyasi məhbuslar
və elementar insan hüquqlarına hörmət edilməsi məsələlərinin arxa plana keçməməsinə çalışırdı” .
Onun sözlərinə görə, hazırkı qlobal dünyada neft və qaz satışlarından əldə edilən böyük maliyyənin inkişaf etmiş ölkələrin iqtisadiyyatında böyük rol oynamağa başladığı şəraitdə bu hökumətlərin insan hüquqlarının pozulması halları ilə bağlı müdaxilə etməsi üçün həddi müəyyən etməsini çətinləşdirir. “Məhz buna görə bu mövqedən çıxış edirəm ki, ikili standartlara son qoyulmalıdır. Lukaşenkonu diktator adlandırıb, Putinə strateji müttəfiq demək, məncə, düzgün deyil. Irandan nəsə tələb edib, Bəhreyn və Səudiyyə Ərəbistanında insan hüquqları sahəsində vəziyyət isə demək olar eyni olduğu halda buna əhəmiyyət verməmək olmaz.
Ikili standartlardan əl çəkmək Birləşmiş Ştatlara dünyada demokratiya və insan hüquqlarına əsaslanaraq liderlik mövqeyində olmasına imkan vermiş mənəvi liderliyi bərpa edə bilməsinin yoludur”, – H.Kasparov bildirib.
Rusiya müxalifət lideri Rusiyada siyasi vəziyyəti təhlil edərək ölkədə azad seçkilərin əhəmiyyətini vurğulayıb. H.Kasparov Rusiya cəmiyyətində ölkədə baş verən hadisələrə maraq göstərən insanların, etiraz nümayişlərinə qoşulanların sayının artdığını qeyd edib. H.Kasparovun sözlərinə görə, bu gün insanlarda müəyyən liberallaşma ilə bağlı heç bir illüziya və ümid yoxdur. O deyib ki, 90-cı illərdən fərqli olaraq, insanlar indi prezident Putinə ümidlə baxmır. “Putin indi ətalət prezidentidir. Putin tərəfdarının şüurunda ətalət mövcuddurÿvə bunu hökumətin özünün rəy sorğuları göstərir. Inert dəstək hakimiyyətin güclənməsinə impuls verə bilməz. Əsas məsələ vəziyyətdən narazı olan insan kütləsinin hərəkətə keçməyə nə zaman hazır olmasındadır.
Çünki əsas sual budur: “Bəs sonra nə olacaq?” Müxalifət üçün isə həyat əhəmiyyətli vacib məsələ budur ki, biz Putini kim əvəz edəcək deyil, Putini nə əvəz edəcək üzərində fikirləşməliyik, yəni sistemli dəyişiklərdən söhbət gedir. Dəyişikliklərə aparan Putin rejimindən imtina etməyə hazır olub, sonra nə olacağını başa düşmədikləri üçün fəaliyyətə keçməyə hazır olmayan insanlara psixoloji cəhətdən rahatlıq verəcək bir yol xəritəsi lazımdır. Müxalifətin burada rolu olduqca əhəmiyyətlidir, çünki müxalifət Rusiyada insanlar tərəfindən seçilmiş fəaliyyət göstərən yeganə legitim orqandır”,- H.Kasparov fikrini tamamlayıb. Rusiya Vətəndaş Birliyi Cəbhəsinin lideri deyib ki, ölkə daxilində və dünyada gedən dəyişikliklər nəzərə alınsa, Rusiyada hakimiyyət dəyişikliyi növbəti 2-3 il ərzində baş verə bilər.
