Son sözü prezident Obama deyəcək
ABŞ Senatı «Maqnitski qanunu»nu təsdiq edib. onun leyhinə 92, əleyhinə isə 4 senator səs verib. Ağ evdəki mənbələr ehtimal edir ki, səsvermənin necə nəticələnəcəyi heç kimdə şübhə doğurmurdu. Bundan sonra sənəd imzalanmaq üçün Barak Obamaya göndərilməlidir. Səsvermədən əvvəd senatorlar bu mövzuda debatları davam etdirməyəcəklərini bəyan etdilər. Qanuna heç bir dəyişikliklər edilməyib və o Nümayəndələr Palatasında təsdiq edildiyi halda qəbul olunub.
Qanuna əsasən, 120 gündən gec olmayaraq AB prezidenti Konqresin müvafiq komitələrinə Sergey Maqnitskinin ölümündə əli olan, bu faktı gizlətməyə çalışan, baş verəndən maddi mənfəət əldə edən şəxslərin siyahısını təqdim etməlidir.
«Qara siyahı»ya həmçinin insan haqlarının pozulmasında adı hallanan, din, ifadə, toplaşmaq azadlığını, ədalətli məhkəmə və demokratik seçki tələb edən şəxslərə qarşı təqib, təzyiq həyata keçirələrin də adı düşəcək. Qanunda həmçinin qeyd olunur ki, bu tip adamlarla bağlı yeni məlumatlar daxil olsa, prezident siyahıya yeni adlar sala bilər. Bu siyahıya adı düşən şəxslərə qarşı viza sanksiyaları tətbiq ediləcək, onların hesabları və mülkiyyətlə bağlı bütün əməliyyatları dondurulacaq.
Azadlıq.info
