BMT-nin baş katibi “Onun hər hansı ölkədə sığınacaq almasına imkan verilməyəcək” dedi
Məşhur “Associated Press” agentiliyi Suriya diktatoru Bəşər Əsədin sığınacaq üçün Latin Amerikası ölkələrindən birinə qaça biləcəyini xəbər verib. Agentliyin məlumatına görə, Suriya xarici işlər nazirinin müavini son həftə ərzində Kuba, Venesuela və Ekvadorda görüşlər keçirib. Xarici işlər nazirnin müavini Bəşər Əsədin şəxsi məktublarını həmin ölkələrin rəhbərlərinə çatdırıb. Agentlik bildiri ki, Əsəd məhz bu ölkələrdən birinə sığına bilər və qarşı tərəf buna razılıq verməyə hazırdır.
Çərşənbə günü isə BMT-nin baş katibi Ban Ki Moon Qatarda danışıqlar zamanı deyib ki, Bəşər Əsəd özünü xilas edə bilməyəcək. O, bildirib ki, Əsəd rejimi ölkədə minlərlə insanı məhv edib, insan haqlarını kobud şəkildə pozub. Buna görə də Bəşər Əsəd məsuliyyətə cəlb olunmalıdır. Onun hər hansı ölkədə sığınacaq almasına imkan verilməyəcək.
azadliq.info
