Əsəd rejimini dəstəkləmək Rusiya üçün daha bir itkiyə səbəb olub. ABŞ Əfqanıstandakı əməliyyatlar üçün Rusiyadan almağı planlaşdırdığı vertolyotlardan imtina edib. ABŞ ilə Rusiya arasında imzalanmış bu layihənin dəyəri isə 375 milyon dollar olub. ABŞ konqresmenlərindən qaynaqlanan bu addım gələcəkdə daha da sərtləşdirilə bilər. Konqressmenlərin fikrincə, Suriyanı dəstəkləyən bütün dövlətlərə qarşı bu addım atılmalıdır. ABŞ ekspertləri hesablayıb ki, Rusiya son il ərzində Suriyaya bir milyard dollarlıq silah ötürüb. Beləliklə ABŞ Konqressi keçirdiyi son iclasda ölkənin müdafiə büdcəsinə dəyişiklik edərək, Rusiyadan vertalyotların alınmasını nəzərdə tutan layihəni ləğv edib.
azadliq.info
