Obama administrasiyası Suriyadakı münaqişənin dönüş nöqtəsinə çatdığını və əhəmiyyətli müdaxilənin Bəşər Əsədi hakimiyyətdən uzaqlaşdırmağa imkan verəcəyini hesab edir.
Bu haqda The New York Times yazır. Məqalə müəllifinin sözlərinə görə, hələlik heç bir qərar qəbul olunmayıb. Administrasiya isə müxtəlif alternativləri, o cümlədən müxalifət döyüşçülərinə silah çatdırılması məsələsini müzakirə edir.
Məqalədə qeyd edilir ki, ən təcili qərar NATO-nun Türkiyənin Suriyanın kimyəvi raketlərindən qorunması üçün bu ölkədə raket yerləşdirməsinə aid olmalıdır.
Digər məsələ isə müxalifət döyüşçülərinin silah təmirn edilməsidir. Administarsiya təmsilçiləri bu addımları prezident seçkisindən əvvəl müzakirə edib. Lakin ABŞ-ın Yaxın Şərqdəki növbəti münaqişəyə qoşulması ilə bağlı geniş debatların nəticəsi hələ məlum deyil. Məqalədə o da qeyd olunur ki, Obamanın «ərəb baharı» hadisələrinə qarşıması ehtiyatlı idi. Suriya münaqişəsi məsələsi Liviyadan xeyli çətin olacaq. Bəzi rəsmilər bu ölkəyə müdaxilə risklərinin yüksək olduğundan ehtiyatlanır.
Suriya üzrə hərbi mütəxəssis Cefri Uaytın sözlərinə görə isə administrasiya anlyıb ki, hər hansı addım atmasa, müharibə qurtaracaq və onun bu ölkədə hərbi qüvvələrə heç bir təsir imkanı olmayacaq.
Azadlıq.info
