Nəticədə 2 nəfər ölüb, 2 nəfər yaralanıb
Hadisə yerində əməliyyatçılar və müstəntiqlər işləyir
Dağıstanın Məhərrəmkənd rayonunda taksi sürücüləri əvvəl dava edib. Sonradan bu atışmaya çevrilib. Nəticədə 2 nəfər ölüb, 2 nəfər yaralanıb.
APA-nın «İnterfax» agentliyinə istinadən verdiyi xəbərə görə, Dağıstan DİN-i bildirib ki, hadisə Azərbaycan-Rusiya “Tahirkənd-Kazmalyar” sərhəd – keçid məntəqəsinin yaxınlığında baş verib.
Bir nəfər odlu silahdan açılan atəş nəticəsində yerindəcə keçinib, o biri xəstəxanada dünyasını dəyişib. İki nəfər yaralanıb.
Hadisə yerində əməliyyatçılar və müstəntiqlər işləyir.
