Bu gün müxalifətin 17 noyabr aksiyasında saxlanılaraq 7 sutka həbs cəzası alan AXCP-nin Nizami rayon şöbəsinin sədri Zülfüqar Eyvazlı və partiya fəalı Orxan Carçının apellyasiya şikayətinə baxılıb. Hər iki iş üzrə birinci instansiya məhkəməsinin qərarı qüvvədə saxlanılıb.
Bununla belə, hər həbs edilən şəxslə bağlı azadlığa buraxılma vaxtının dəqiqləşdirilməsi haqda qərar da elan olunub. Məhkəmə qərara alıb ki, hər iki şəxs saxlandıqları gündən hesablanmaqla 7 sutkanın tamamında və saat 15:30-da azadlığa buraxılsın.
Hakimlər məhkəmə hökmünün müvəqqəti saxlanma təcridxanasına göndəriləcəyini də bildiriblər.
Bu gün 17 noyabrda 5 sutka həbs cəzası almış Müsavat fəalı Elçin Cərullayevin də (o, artıq azadlıqa buraxılıb) apellyasiya şikayətinə baxılıb və onunla bağlı da əvvəlki qərar qüvvədə saxlanılıb.
Eyni aksiyada həbs edilən Məmməd İbrahim, İnqilab Kərimov, Dəyanət Babayev, Cəmil Hacıyevin apellaysiya şikayətinə isə saat 15:00-da baxılacaq.
