Hacıqabulda qəza: 6 yaralı

Hacıqabul rayonu ərazisində 3-ü ağır olmaqla, 6 nəfərin xəsarət alması ilə nəticələnən yol nəqliyyat hadisəsi baş verib.
ANSPRESS.COM saytının verdiyi məlumata görə, “Lexus” markalı avtomobil Ağcabədi rayonu istiqamətində hərəkətdə olarkən sürücü İbadət Əliyev özünəməxsus avtomaşının sükanını 16 yaşlı oğlu Elxan Əliyevə tapşırıb. O isə yolun hərəkət qadağan edilən hissəsinə çıxaraq qəza törədib. Qəza zamanı xəsarət alanların 4-ü bir ailənin üzvləridir. “Avtomaşın Bakı-Qazax yolunun 136-ci km-də yeni təmir olunan, lakin istifadəyə verilməyən yolun hərəkət hissəsinə daxil olub və qarşıda olan qum maneəsinə çırpılıb. Nəticədə bu hadisə baş verib”,- deyə YPX-nin əməkdaşı Aqil Muradi bildirib.