Polad Bülbüloğlu növbəti dəfə Rusiya xarici işlər nazirinin müavini ilə görüşüb
Noyabrın 9-da Rusiya Federasiyasının (RF) Xarici Işlər Nazirliyində (XIN) baş tutan görüşdə bu ölkənin xarici işlər nazirinin müavini Qriqori Karasin və Azərbaycanın RF-dəki səfiri Polad Bülbüloğlu ikitərəfli münasibətlərin bəzi aktual məsələlərini müzakirə ediblər. Bu barədə Trend Rusiya XIN-in rəsmi saytına istinadən məlumat verir.
Görüşdə, həmçinin Rusiyanın Xəzər dənizi üzrə çoxtərəfli danışıqlardakı nümayəndə heyətinin rəhbəri, xüsusi tapşırıqlar üzrə səfir Iqor Bratçikov deyib.
Polad Bülbüloğlu Bakıya gəlməmişdən öncə də Rusiya xarici işlər nazirinin müavinlərindən biri ilə görüş keçirmişdi. Bu görüşlə bağlı “Azadlıq” xəbər yaymışdı. Həmin xəbərdə deyilirdi ki, görüşdə əsasən “Milyaderlər Ittifaqı” ilə bağlı məsələ müzakirə olunub. Bu görüşdən sonra Bakıya gələn Polad Bülbüloğlunun Ilham Əliyevlə də bu məsələni müzakirə etdiyi yayılan xəbərlər sırasındadır. Göründüyü kimi səfir Moskvaya qayıdandan sonra yenidən Rusiya rəsmilərilə görüş keçirib. Ehtimal olunur ki, bu görüşün kökündə də “Milyarderlər Ittifaqı” ilə bağlı məsələ dayanır. Azərbaycan hakimiyyəti bu ittifaqı özünə ciddi təhlükə saydığından milyarderlərə qarşı açıq kampaniya aparmaqla paralel Rusiya rəsmilərindən də bu məsələdə dəstək istəyir. Yeri gəlmişkən, Prezident Administrasiyasının (PA) ictimai-siyasi şöbəsinin müdiri Əli Həsənovu da məhz milyarderlərlə bağlı məsələ ilə əlaqədar Moskvaya səfər etmişdi. Lakin Əli Həsənovun səfərlə bağlı açıqlamalarından aydın sezilirdi ki, o, görüşlərdən uğurlu nəticə əldə etməyib. Görünür, Polad Bülbüloğlunun arda-arda görüşləri həm də, bundan irəli gəlir.
Azad
