ABŞ-da şənbə gününə keçən gecə iki səs-küylü istefa olub. Hər iki istefanın səbəbi nigahdankənar əlaqədir. MKİ rəhbəri Devid Petreus və Lockheed Martin Müdafiə Konserninin prezidenti Kristofer Kubasik vəzifələri ilə vidalaşıblar.
Birinci istefa gözlənilməz olub və ABŞ KİV-nin diqqətini özünə cəlb edib. «Azadlıq.info»nun Rusiya mətbuatına istinadən yaydığı məlumata görə, xüsusi xidmət orqanlarındakı mənbələr FAB-nın araşdırması nəticəsində Petreusun nigahdankənar əlaqələri barədə ölkə rəhbərliyinə məlumat verib. Daha sonra Petreusun məşuqəsinin də adı açıqlanıb. Bu MKİ-nin keçmiş rəhbərinin bioqrafiyasının həmmüəllifi Paula Broadveldir.
Cümə günü Petreus prezident Barak Obamaya istefa ərizəsi təqdim edib. O həmçinin həmkarlarına da məktub ünvanlayaraq özünü ləyaqətsiz şəkildə apardığını etiraf edib. «Bu sayaq davranış nə ailəliyə, nə də bizim təşkilatın liderinə yaraşan deyil» – deyə bu həftə 60 yaşı tamam olan general bildirib. Petreusun müvəqqəti olaraq səlahiyyətləri MKİ-nin rəbhərinin müavini Maykl morelliyə tapşırılıb.
Petreus və Broadvel
