“Mitsubishi Motors Company” Azərbaycanda rəsmi distribüterini müəyyənləşdirib. “Mitsubishi” avtomobillərinin Azərbaycana müstəsna idxalı və distribüterliyi hüququ “Diamond Motors” şirkətinə verilib. Bu barədə məlumat “Mitsubishi Motors Corporation”un beynəlxalq saytında yayılıb.
Rəsmi düstribüterin seçilməsi ilə əlaqədar, “Mitsubishi” sahiblərini bir sıra yeniliklər gözləyir.
Əvvəllər gətirilən komplektasiyalar Yaxın Şərq ölkələri üçün nəzərdə tutulduğundan və Azərbaycan iqlimi regionun digər ölkələrinin iqlimindən fərqli olduğundan, gətirilən avtomobillərin komplektasiyalarda uyğunsuzluqlar yaranırdı. “Diamond Motors” ölkəyə uyğun komplektasiyanı ehtiyat hissələri ilə birlikdə seçərək təqdim edəcək.
Bundan əlavə, bütün “Mitsubishi” avtomobillərinə şirkət 3 il və ya 100 000 km zəmanət verəcək.
Avtomobil sahiblərini razı salacaq əsas xəbər isə rəsmi servislə bağlıdır. “Mitsubishi” rəsmi servisində görülən işlər 2 illik zəmanətlə təqdim ediləcək. Ustaların daha yüksək servis göstərməsi üçün onlar mütəmadi olaraq “Mitsubishi Motors Corporations”un təşkil etdiyi treninqlərə göndəriləcək
