Ictimai Palatanın Koordinasiya Şurasının dünən növbəti iclası keçirilib. Bu barədə “Azadlıq”a məlumat verən Koordinasiya Şurasının üzvü Ədalət Yusifov bildirib ki, iclasda qurumun qərarlarının icra vəziyyəti, ictimai-siyasi durum, Ictimai Palatanın növbəti sessiyası, Milli Məclisin qarşısında noyabrın 2-nə təyin edilən piket və cari məsələlər müzakirə olunub. “Qərara alınıb ki, Ictimai Palatanın növbəti sessiyası noyabrın 3-də keçirilsin. Piketə gəlincə, bu aksiya keçiriləcək. Biz qanunvericiliyə uyğun olaraq 50 nəfərlik aksiya keçirəcəyik.
Onu da qeyd edim ki, Koordinasiya Şurasına müstəqil hüquqşünaslar və seçki mütəxəssislərinin hazırladığı bir sənəd daxil olmuşdu. Həmin sənəd “Seçki islahatı və memarandumu” adlanır. Koordinasiya Şurası bu sənədi müstəb qiymətləndirir. Çünki bu sənəd Ictimai Palatanın mövqeyi ilə ulaşır. Biz qərara gəlmişik ki, bu məsələni geniş müzakirə etmək üçün dinləmələr keçirək.
Dünənki iclasda həmçinin oktyabrın 5-də keçirilən “hicab aksiyası”na görə Hacı Cavid Məmmədovun həbsi müzakirə edilib. Biz onun həbsini haqsız sayırıq və pisləyirik”.
