Deputatın oğlu «1001 gecə»dəki qətllə bağlı istintaqa çağırılıb
Daxili işlər naziri Ramil Usubovun əmrilə Xəzər rayon Polis Idarəsinin 3-cü Polis Bölməsinin rəisi vəzifəsindən azad olunan YAP-çi deputat Hüseynbala Mirələmovun oğlu Fərid Mirələmov əmisi oğlu Rəşad Mirələmovun törətdiyi cinayət işi üzrə istintaqa dəvət edilib. Məlumatı “Bizim Yol” qəzeti hüquq-mühafizə orqanlarındakı mənbəyə istinadən yayıb.
Fərid Mirələmov əmisi oğlu Rəşad Mirələmov “Min bir gecə” istirahət mərkəzində qətl törədərkən hadisə yerində olub. Ancaq hadisədən iki aydan artıq zaman keçməsinə baxmayaraq, Fərid Mirələmov indiyədək istintaqa dəvət olunmamışdı. Görünür, istintaq orqanı Fərid Mirələmovun deputat oğlu olması ilə yanaşı, həm də onun polis rəisi olmasından ehtiyat edib. Ramil Usubovun Fərid Mirələmvu işdən çıxarması prokurorlugu cəsarətləndirib. Artıq vəzifəni itirən Fərid Mirələmov şahid qismində istinaqın suallarını cavablandıracaq.
Bu arada Hüseynbala Mirələmov “Azərbaycan” qəzetində geniş məqalə ilə çıxış edib. Deputat məqaləsində Azərbaycan hakimiyyətinin mədh edib. Görünür, Hüseynbala Mirələmov bununla oğlunu həbsdən sığortalamağa çalışır.
