Oktyabrın 20-də Bakıda “Parlament buraxılsın” tələbilə keçirilən razılaşdırılmamış aksiyada həbs edilənlərdən daha biri – Müsavat Partiyasının gənclər təşkilatının sədri Tural Abbaslı azadlığa çıxıb. O, 10 sutkalıq inzibati həbs almışdı. Müsavat Partiyasının qərargahında olan T.Abbaslı əqidə yoldaşları ilə xatirə şəkili çəkdirib, daha sonra evə gedib.
Axşam saatlarında həmin aksiyada saxlanılıb inzibatı həbs cəzası alan daha bir neçə fəal – AXCP Suraxanı rayon şöbəsinin sədri Vaqif Xaliqov, partiya üzvü Dəyanət Babayev və Müsavat GT-nin sədr müavini Əhəd Məmədli azadlığa çıxacaq. Onların saat 21:30-da sərbəst buraxılacağı gözlənilir.
