İranın Neft naziri Bijen Namdar Zəngənə, “Bugünkü şərtlər İran-İraq müharibəsi dövründən daha ağırdır. O vaxt neft ixracı ilə bağlı bir problem yaşamamışdıq” deyib.
İran Neft naziri Bijen Namdar Zəngənə, ölkədəki şərtlərin İran-İraq müharibəsi dövründə belə baş vermədiyini bildirərək, “O vaxt satdığımız neftin pulunu ala bilirdik, ancaq bugün bu, çox çətindir. İran adı ilə neft ixrac edə bilmirik”,- deyib.
Neft Nazirliyinin internet saytında yayımlanan açıqlamasında, Zəngənə, ölkənin çox ağır şərtlərdən keçdiyini qeyd edib.
Ancaq od, tüstü və qan olmadığı üçün bunun bir müharibə olduğunu hiss edilmədiyini dilə gətirən Zəngənə, bunları qeyd edib:
“Bugünkü şərtlər İran-İraq müharibəsi dövründən daha ağırdır. Müharibə dövründə neft ixracı ilə bağlı bir problem yaşamamışdıq. Səddam Hüseyn, təkcə istehsal sahələrimizi hədəfə alırdı. Buna baxmayaraq, satdığımız neftin pulunu ala bilirdik. Amma bu gün bu proses çox ağır şəkildə həyata keçirilir. Bu gün İran adı ilə neft ixrac edə bilmirik”.
ABŞ-ın 5 Noyabr 2018-ci ildə həyata keçirməyə başladığı ikinci mərhələ sanksiyaları səbəbindən İrandan neft alan ölkələr və ya şirkətlər Vaşinqtonun “qara siyahı”sına salınır və onlara da sanksiya tətbiq olunur. ABŞ 5 Noyabrdakı sanksiyaların ardından 8 ölkəyə verdiyi möhləti 2 Mayda sona çatdırıb.
İran Prezidenti Həsən Ruhani, 26 Mayda verdiyi bəyanatda İran mallarını daşıyan bir gəminin 10 gündür heç bir ölkənin limanına yanaşaraq yükünü boşalda bilmədiyini, bunun İran tarixində görünməmiş bir hadisə olduğunu bildirmişdi. O, “İranın neft gəmisi, yükünü yerə boşaldana qədər davamlı olaraq peyklər ilə təqib edilir”, -demişdi.
Marja.az
