2 həftə sonra toyu olacaqdı
Mingəçevirdə faciəli hadisə baş verib. Hadisə şəhərin Aydın Məmmədov küçəsi, 9 ünvanında qeydə alınıb. Belə ki, həmin ünvanda yaşayan, 2001-ci il təvəllüdlü Səbinə Seymur qızı Qarayeva 5-ci mərtəbədən yıxılıb. S.Qarayeva dərhal Mingəçevir şəhər Mərkəzi Xəstəxanasına çatdırılıb. Xəstəxanadan onun vəziyyətinin ağır olduğu bildirilib.
Yaxınlarının sözlərinə görə, S.Qarayeva ehtiyatsızlıq nəticəsində yerə yıxılıb.
Əldə etdiyimiz digər bir məlumata görə, S.Qarayeva nişanlı olub. İki həftə sonra, martın 24-də onun toyu olacaqmış.
Faktla bağlı araşdırma aparılır.
Azər
