Onlar bu dəfə Əli Abdulla Salehin mühakimə olunmasını tələb edir
Yəmənin paytaxtı Sənada növbəti etiraz aksiyası keçirilib. Minlərlər etirazçı keçmiş ölkə başçısı Əli Abdulla Salehin mühakimə olunması tələbiylə keçirilən mitinqə qatılıb. Cümə günü keçirilən aksiya “Mühakimə etmə cüməsi” adlandırılıb. Sittin meydanında təşkil olunan mitinq toplaşan yəmənilələr də Əli Abdulla Salehin mühakimə olunması və hakimiyyəti təhvil verdiyi üçün əldə etdiyi toxunulmazlıq hüququnun qaldırılmasını istəyiblər.
Sittin meydanında cümə namazını qıldıran Yəmənin Birliyi Partiyasının idarə heyətinin üzvü imam Abdullah Satər etirazçılara üzünü tutaraq “Roma və Fars qrallıqlarının xaos yaşadığı bir dövrdə Yəmən mədəniyyət ölkəsi idi. Yəmən xalqı iman və hikmətlə çətinliklərin öhdəsindən gələ biləcək gücə sahib bir millətdir” deyib. 22 il ölkəni Yəməni idarə edən Əli Abdulla Saleh rejiminin ölkəni məhv etdiyini, əhalinin 60 faizdən çoxunun yoxsul olduğunu deyən imam Satər eks rəhbərin xalqdan oğurladıqlarını geri qaytarması və törətdiyi cinayətlərin cəzasını çəkməsi üçün dərhal mühakimə olunması çağırışını edib.
Bununla yanaşı Saleh rejiminə qarşı xalq etirazlarının əsas təşkilatçılarından biri İnqilab Gənclər Koordinasiyasının sözçüsü Saleh əl Fəqih jurnalistlərə verdiyi açıqlamasında Əli Abdullah Saleh və din aksiyalar zamanı hakimiyyət əleyhdarlarının qanını axıtmış qohumlarının yoxunulmazlıq hüququnun qaldırılması məqsədiylə təzyiqlərin artırılacağını bildirib. Fəqih sentyabrın 11-də Yəmənin bir neçə şəhərində qatillərin mühakimə olunması üçün milyonlarla insanın qatılacağı nümayişlər təşkil ediləcəyini söyləyib.
Paytaxt Sənadan başqa Yəmənin cənubunda yerləşən Ədən şəhəri və bir neçə yerdə “Mühakimə etmə cüməsi” adı altında aksiyalar keçirilib. Eks ölkə başçısı Əli Abdulla Salehin iki gün əvvəl rəhbəri olduğu partiyanın toplantısında inqilabçılar və inqilabı dəstəkləyən partiyaları “xarici qüvvələr işləyənlər” adlandırması, “Ərəb Baharı”nı “xaos baharı” ifadəsini işlətməsi sərt etirazlara səbəb olub.
