Azərbaycanlı cüdoçu Tərlan Kərimov qızıl medala əlvida desə də, bürünc medal uğrunda təsəlliverici görüşlərdə qüvvəsini sınayıb. Lakin bu, Tərlan üçün heç də uğurlu olmayıb. Belə ki, cüdoçumuzun 3-cü yer uğrunda ilk rəqibi polşalı Pavel Zaqrodnik olub. O, rəqibinə vazari ilə uduzaraq, Olimpiadanı 7-ci yerdə bitirib.
***
Bu gün XXX London Yay Olimpiadasında cüdo yarışları davam edib. ANS PRESS-in məlumatına görə, azərbaycanlı cüdoçu Tərlan Kərimov 1/4 final mərhələsində ispaniyalı Suqoi Uriarte ilə üz-üzə gəlib. Lakin idmançımız rəqibinə 0:2 hesabi ilə uduzub. Bununla belə, Tərlanın üçüncü bürünc medal qazanmaq şansı qalmaqdadır.
***
Azərbaycanlı cüdoçusu Tərlan Kərimov 1/8 final mərhələsində misirli rəqibini Əhməd Avadı məğlub edib. Tərlan yarımfinala vəsiqə uğrunda ispaniyalı Suqoi Uriarte ilə üz-üzə gələcək.
***
İyulun 29-da London Olimpiya Oyunlarında 1/16 final mərhələsindən mübarizəyə qoşulan Azərbaycan cüdoçusu Tərlan Kərimov (66 kq) Rusiya idmançısı Musa Moquşkova qalib gəlib.
Tərlan Kərimov rəqibini əlavə vaxtda məğlub edərək 1/8 finala vəsiqə qazanıb. Tərlan Kərimov 1/8 finalda Misir idmançısı Əhməd Avadla qarşılaşacaq (“Azadlıq” radiosu).
