Prezident İlham Əliyevin fərmanı ilə icbari tibbi sığorta sisteminin işə düşməsi ilə bağlı sənədlər təsdiqlənib. Onlardan ən əsası göstəriləcək tibbi xidmətlərin və əməliyyatların qiymətləridir.
Siyahıda həyati vacib olan, ancaq dəyəri baha başa gələn əməliyyatlar da yer alıb. Onların sırasında anadangəlmə ürək qüsurları, dammar köçürülməsi, neyrocərrahiyyəyə aid olan əməliyyatlar, eləcə də sınıq trav malarının bərpası və digərləri daxildir.
Siyahıda yer alan ən bahalı əməliyyat pnevmonektomiya və böyük damar cərrahiyyəsidir. 3 gün reanimasiyada, 10 gün stasionarda yatmaq da daxil olmaqla əməliyyatın qiyməti 9 600 manatdır.
İkinici ən bahalı əməliyyat isə anevrizmadır. Çoxsaylı anevrizma (ayrı kəsik) əməliyyatı 8 000 manata başa gələcək. Xidmətə ümumi anesteziya, 4 gün reanimasiyada, 7 gün stasionarda yatış daxildir. Tibb sərf qiymətə daxil deyil.
Siyahıda nisbətən ucuz əməliyyatlar da yer alıb. Sənədə əsasən, bronxoskopiya, diaqnostik (fleksibl -rigid), bronxial lavaj ilə birlikdə əməliyyatı cəmi 100 manata başa gələcək.
Bahalı əməliyyatların tam siyahısı ilə buradan tanış ola bilərsiz.
(fins.az)
