AXCP Rəyasət Heyətinin üzvü Qarabağ qazisi Asif Yusiflinin həbsinin qalan hissəsindən azad edilməsi barədə məhkəmə qərarından Ali Məhkəməyə kasassiya şikayəti verilib. Bu haqda Azadlıq.info-ya vəkil Fəxrəddin Mehdiyev bildirib.
Cinayət məcəlləsində yeni dəyişiklikdən sonra sonra Nizami Rayon Məhkəməsi Asif Yusifliyə ittiham maddəsini CM-nin 178.3 maddəsindən 178.2-ci maddəsinə dəyişdirib. Məhkəmədə Qarabağ əlilinin cəzaçəkmə rejimi dəyişdirilsə də barəsindəki hökm 6 il olaraq saxlanılıb.
Həmin qərardan apellyasiya şikayətinə baxılaraq Bakı Apellyasiya Məhkəməsində Həsən Əhmədovun sədrlik etdiyi hakimlər kollegiyası qərarı qüvvədə saxlayıb.
Asif Yusifli barədə ümumi hökmdən verilmiş kasassiya şikayətində Asif Yusifliyə münasibətdə Ali Məhkəmə Cinayət Məcəlləsinin 62-ci (müəyyən edilmiş cəzadan daha yüngül cəza təyin edilməsi) maddəsini tətbiq edərək ona 6 illik cəza vermişdi.
azadliq.info
