Hökumətin “qara siyahısında” olan ictimai-siyasi fəalları müdafiə edən cəsarətli vəkillər yenidən hədəfdədir. Fariz Namazlıya məhkəmədə hücum edib, indi də özünü şərləmək istəyirlər. Elçin Sadıqovu “bandotdel”ə çağıraraq hədələyiblər. Bəhruz Bayramovu Vəkillər Kollegiyasından çıxarmaqla təhdid edirlər. Daha əvvəllər isə Qurban Məmmədovu, Namizəd Səfərovu, Aslan İsmayılovu, Elçin Namazovu, Xalid Bağırovu, Müzəffər Baxışovu, Əlayif Həsənovu qərəzli şəkildə Vəkillər Kollegiyasından xaric ediblər. Rejim hədəf seçdiyi şəxsləri müdafiə olunmaq imkanından da məhrum etmək istəyir. Dünyanın hər yerində vəkillər vətəndaşları müdafiə edirlər. Bizim ölkəmiz analoqsuz olduğundan, gərək biz vətəndaşlar vəkillərin hüquqlarının qorunmasını da üzərimizə götürək. Vəkillik institutunun sıradan çıxarılmasına biganə qalmayaq!
