“ABŞ ATƏT müşahidəçilərinin Rusiyada prezident seçkisində qanun pozuntularına dair bəyanatlarından dolayı narahatlıq hissi keçirir”. Bunu ABŞ-ın dövlət katibi Hillari Klinton Polşanın xarici işlər naziri Radek Sikorski ilə birgə mətbuat konfransında bəyan edib.
Xanım Klinton vurğulayıb ki, qeydə alınmış qanun pozuntuları araşdırılmalıdır. ABŞ-ın dövlət katibi həmçinin Rusiyada seçkidən sonra etiraz aksiyalarının iştirakçılarının həbs edilməsindən narahatlıq duyduğunu deyib.
Bununla belə, Hillari Klinton ABŞ-ın Rusiyada prezident seçkisində qalib olmuş Vladimir Putinlə əməkdaşlığa hazır olduğunu qeyd edib (ans press).
