Xalq artistləri Flora Kərimova ilə Faiq Ağayevin məhkəmə çəkişməsi davam edir. Flora Kərimova Lent.az-a açıqlamasında Azərbaycanda məhkəmənin çıxardığı qərardan narazı qaldığını və Avropa İnsan Hüquqları Məhkəməsinə üz tutacağını bildirib: “Mənim işimə hakimlər qeyri-obyektiv baxdılar və haqsız qərar çıxardılar. Bu qərarla razılaşa bilmərəm. Buna görə də qərardan Avropa İnsan Hüquqları Məhkəməsinə şikayət edəcəyəm. Qanunu pozan hakimlər Avropa Məhkəməsi qarşısında cavab verəcəklər. Məhkəmələr belə haqsız qərarlar çıxarmaqla dövləti Avropa Məhkəməsi qarşısında pis vəziyyətə salır”.
Qeyd edək ki, xalq artistlərinin məhkəmə çəkişməsi 3 ildən çoxdur, davam edir. Onlar məhkəmə qarşısında qarşılıqlı iddia qaldırmışdılar. F.Kərimovanın F.Ağayevin onu təhqir etməsi iddiası ilə məhkəməyə etdiyi şikayət təmin olunmayıb.
