Birləşmiş Ştatlar Vyetnama onillərdir davam edən silah embarqosunu tamamilə qaldırdığını bildirir.
Mayın 23-də Hanoyda çıxış edən Prezident Barack Obama deyib ki, məqsəd vaxtilə müharibə aparılan ölkəylə münasibətlərin normallaşması və “Soyuq Müharibənin qalıqlarının aradan qaldırılmasıdır”.
Silah embarqosu qismən 2014-cü ildə qaldırılıb.
Obama Vyetnamda 3 günlük səfərdədir. Birləşmiş Ştatlar Asiya ölkələri ilə münasibətlərini gücləndirir, Çinin regionda artan nüfuzuna strateji balans yaratmağa çalışır.
