Nəticələri “Proceedings of the National Academy of Sciences” adlı jurnalda nəşr olunan araşdırmaya görə, körpələr böyüklərin nəzərdə tutduqlarını zənn edildiyindən daha tez anlamağa başlayır. Araşdırmadan məlum olub ki, 6-9 aylıq olarkən ana dillindəki sözləri ayırd etməyə başlayan körpələr qarşısındakının dediyinin mənasını 1 yaşında təxmini qavraya bilirlər.
Təcrübə zamanı analar körpələrindən hansı obyektin harada olduğunu soruşublar. Körpələrin göz hərəkətlərini araşdıran mütəxəssislər 6-9 aylıq körpələrin 78 faizinin doğru obyektə baxdığını müəyyənləşdiriblər. 6 ay – 1 yaş 2 ay arasında olan körpələrdə isə 1 yaşdan sonra qavrama bacarığının əhəmiyyətli dərəcədə artdığı müşahidə olunub.
