Ötən il Azərbaycanda 14 aptekin qeyri-qanuni işlədiyi aşkarlanıb.
Bu barədə «Trend»ə Səhiyyə Nazirliyinin Dərman Vasitələrinin Analitik Ekspertiza Mərkəzindən məlumat verilib.
Lisenziyası olmayan 7 aptek barəsində İnzibati Xətalar Məcəlləsinin 64.1 maddəsi ilə protokol tərtib edilib.
Reydlər nəticəsində yararlılıq sertifikatı olmayan 6040 qutu, istifadə müddəti bitmiş 14 qutu dərman aşkar edilib. /Trend/
