Suriyada bir neçə üsyançı fraksiya bildirir ki, ölkədə atəşkəs pozuntularına cavab olaraq hökumət qüvvələrinə qarşı yeni “döyüş”ə başlayırlar.
Azad Suriya Ordusu və İslamçı Ahrar al-Sham-ın bayrağı altında vuruşan qruplar aprelin 18-də bəyanat yayıblar. Onlar dinc sakinlərə atəş açan istənilən silahlı birləşməyə “güclə” cavab verəcəklərini deyirlər.
Qruplar “döyüşə başlamaqdan ötrü birgə əməliyyatlar qrupu” yaratdıqlarını bildirib, ancaq yeni döyüşün konkret yerini göstərməyiblər.
Fevralın sonundan Suriyada döyüşlər nisbətən səngiyib, ancaq Hələb şəhəri ətrafında, əksinə, güclənib. Homs yaxınlığına da güclü hava zərbələri endirilir.
