Putindən şok Qəzzafi iddiası

“Onu Amerika xüsusi təyinatlıları öldürdü”

Ötən gün vətəndaşların suallarını cavablandıran Rusiyanın baş naziri Vladimir Putin Liviyanın devrilmiş diktatoru Qəzzafinin ölümü ilə bağlı şok iddia səsləndirib. Putin bildirib ki, Qəzzafini ABŞ-ın xüsusi təyinatlıları öldürüb.
“Bu işi kim etdi? Amerikanın pilotsuz təyyarələri onun konvoyuna hücum çəkdi. Yəni Amerika qüvvələri. Xüsusi təyinatlıları ora çağırdılar – onsuz da orada olması lazım olan dəstəni… Liviyalı inqilabçılar və ya müxaliflər deyə adlandırılan şəxsləri oraya gətirdilər və onu mühakimə etmədən öldürdülər”, – deyə Putin iddia edib.