EN| RU 2022 2021 2020 2019 2018 2017 2016 2015 2014 2013 2012 2011 2010 2009 2008 2007 2006 2005 2004 2003 2002 2001 2000 1999 1998 1997 1996 1995 1994 1993 1992 1991 HƏR YERDƏ AXTAR Siyasət İqtisadiyyat Maliyyə Enerqetika Analitika İcmallar (Bazarların icmalı, İqtisadiyyat icmalı, Siyasi monitorinqi) Mövqe (Müsahibə, Deməyə sözüm var, ÇƏTİN SUAL, Tanımalı Azərilər) Cəmiyyət (Cəmiyyət, Mədəniyyət, Dünyada) Multimedia (Foto sessiyalar, Aktual reportaj, Tanimali Azərilər) VƏ YA İFADƏ 
Açiq mənbələrdən foto.
Dövlət Departamenti: Rusiyalı mütəxəssislər İranda pilotsuz döyüş təyyarələrindən istifadə üzrə təlim keçirlər
Siyasət
2022 Avqust 12 ( Cümə ) 10:47:09
Vaşinqton/08.12.22/Turan: Son həftələr Rusiya rəsmi şəxsləri İranın pilotsuz təyyarələrinin Rusiyaya verilməsinə dair razılaşma çərçivəsində İranda təlimlər keçiriblər, Dövlət Departamentinin rəsmi nümayəndəsinin müavini Vedant Patel Vaşinqtonda gündəlik brifinq zamanı Turan-ın müxbirinə bildirib.
Ötən ay Vaşinqton işarə edib ki, İranın Rusiyaya bir neçə yüz pilotsuz təyyarə verməyə hazırlaşması və pilotsuz döyüş təyyarələrinə baxış məqsədilə Rusiya rəsmilərinin İrana səfər etməsi barədə məlumatı var.
“Biz təsdiq edə bilərik ki, son bir neçə həftə ərzində Rusiya rəsmi şəxsləri pilotsuz uçan aparatların verilməsinə dair saziş çərçivəsində İranda təlim keçiblər”, – Patel deyib.
“Biz İran tərəfindən pilotsuz uçan aparatlarının istifadəsi və yayılmasından son dərəcə narahatıq. Onlardan ABŞ qüvvələrinə, regiondakı tərəfdaşlarımıza və beynəlxalq nəqliyyat şirkətlərinə hücum etmək üçün istifadə edilib”, – Patel əlavə edib.
Vaşinqton “pilotsuz uçan aparatları ilə bağlı materialların və texnologiyaların İrana tədarükünün qarşısının alınması, dayandırılması və aradan qaldırılması üçün sanksiyalar daxil olmaqla, bütün mövcud vasitələrdən” istifadə etməyə davam edəcək.
Patelin bəyanatı Ukraynanın xarici işlər naziri Dmitri Kulebanın Avropa İttifaqı və “Böyük yeddilik” ölkələrindən rusiyalı turistlərə viza verilməsinin dayandırılmasını xahiş etdikdən bir gün sonra səslənib.
ABŞ rusiyalı turistlərə viza verilməsinə heç bir məhdudiyyət qoymayıb. Bu barədə dövlət katibinin viza xidmətləri üzrə köməkçisinin müavini Juli Stafft Turan-a bildirib: “Rusiyalı turistlər üçün məhdudiyyət yoxdur”, – Stafft deyib.
Dövlət Departamenti Ukraynanın sorğusuna cavab olaraq öx siyasətinə yenidən baxılması imkanlarını nəzərdən keçirirmi sualının cavabında mətbuat katibinin müavini Vedant Patel bildirib ki, Vaşinqton Rusiya xalqına “zərər vermək” istəmir: “Biz çox açıq şəkildə işarə etdik ki, bizim hərəkətlərim Rusiya xalqına zərər verməməyə yönəlib”.
Contact.az
