ABŞ-ın dünyaca məşhur “Washington Post” qəzeti bloqçu Mehman Hüseynovla bağlı redaksiya məqaləsi ilə çıxış edib. Qəzetin baş məqaləsində Azərbaycanda müxalifətə və tənqidçi jurnalistlərə qarşı təqiblər, ölkədə 10 jurnalistin həbsdə saxlandığı və 150 siyasi məhbusun olduğu qeyd edilir. Məqaləni təqdim edirik:
“Mehman Hüseynov Azərbaycan hakimiyyəti haqqında narahatlıq doğuran həqiqətlər, o cümlədən rəsmilər arasında korrupsiya və polis qəddarlığını üzə çıxarmış bloger, mətbuat azadlığı fəalı və jurnalistdir. O, iki ilə yaxındır saxta ittihamlarla həbs edilib. Onun həbs müddətinin bitməsi yaxınlaşdıqca Azərbaycanın polis dövləti onu beş ildən yeddi ilə qədər həbsdə saxlamaq üçün ona qarşı saxtalaşdırılmış yeni ittihamlar irəli sürüb. Cənab Hüseynov buna etiraz olaraq aclıq elan edib. O azad edilməlidir və parodiyaya son qoyulmalıdır.
Yeni təqibin arxasında Azərbaycanda despot İlham Əliyev tərəfindən dissidentlər və jurnalistlərə qarşı təqiblər kimi bir ağır reallıq dayanır. İnsan hüquqları qruplarına əsasən, cənab Əliyevin həbsxanalarında 10 jurnalist də daxil olmaqla, 150 siyasi məhbus saxlanır. Araşdırmaçı jurnalist Xədicə İsmayılovanın 2016-cı ildə azad edilməsi Azərbaycan hakimiyyətinə həqiqəti söyləyənlərə qarşı təhlükənin sonu olmadı. Xanım İsmayılova da yenidən təqiblərə məruz qalıb.
Cənab Hüseynov Azərbaycan hakimiyyətini məsul tutmaq üçün Facebook və YouTube platformalarından effektiv şəkildə istifadə edirdi. O, araşdırmaları və ifşaedici materialları arasında 2016-cı ilin sonlarında nümayiş etdirdiyi video süjetlərdə adi azərbaycanlıların iqtisadi vəziyyətinin ağır olduğu halda, hökumət məmurlarının özlərinə dəbdəbli saraylar tikdirdiyini göstərmişdi. O, 2017-ci il yanvarın 9-da həbs edilib və Jurnalistləri Müdafiə Komitəsinə əsasən, növbəti gün hakimə polis tərəfindən döyüldüyünü, onun başına plastik torba keçirildiyini və elektroşok verdildiyini deyib. Xanım İsmayılova məhkəmədən çıxanda onun üzündə qançır olduğunu və köynəyinin qana bulandığını bildirib. Hakimin qərar çıxardığı kimi ona qarşı rəftarın təhqiqi əvəzinə cənab Hüseynov onun qeyri-insani məruz qaldığı eyni polis bölməsinin iddiası əsasında “diffamasiya” ittihamı məhkum edildi. Ona iki il həbs cəzası verildi. O, 2017-ci il martın 3-dən həbsdədir.
Hazırda Azərbaycan rəsmiləri Hüseynovun penitensiar xidmətin zabitinə zorakı hücum etdiyini iddia edərək, ona qarşı yeni ittiham irəli sürüb. Bu ittiham qeyri-müəyyəndir, səndləşdirilməyib və yəqin ki ağırlığı da birincilər kimidir. Cənab Hüseynovu susdurmağın əsas məqsədi budur ki, o, Azərbaycan məmurlarının dəbdəbəli villalarını ifşa etməsin və polis qəddarlığı ilə bağlı ifadələr verməsin. Cənab Hüseynov susuz və quru aclığa başlayıb və onun səhhəti ağırlaşmaqda davam edir.
Cənab Əliyev yəqin fikirləşir ki, heç kəs zəhmət çəkib, onun qəddar rəftarını sorğulamayacaq. Diplomatik xidmətdə karyeralı diplomat Earl Litzenberger bu günlərdə ABŞ-ın Azərbaycana səfiri kimi təsdiq edilib. O, təsdiqi ilə bağlı dinləmələrdə bildirib ki, “demokratiyalar yalnız müstəqil ədliyyə, qanunun aliliyinə hörmət, azad media, aktiv vətəndaş cəmiyyəti, plüralizm, demokratik seçki prosesinin və insan hüquqları və fundamental azadlıqlara hörmət edildiyi zaman çiçəklənir”. Səfir öz vəzifəsində ilk addım olaraq bunu cənab Əliyevə yüksəkdən oxumalı və cənab Hüseynovun azad edilməli olduğunda israr etməlidir.”
