Cari ilin birinci rübündə Azərbaycan Gürcüstandan 3 mln. 490,7 min dollar dəyərində 1 549,6 ton diri iribuynuzlu mal-qara idxal edib.
APA Gürcüstanın Milli Statistika İdarəsinin hesabatına istinadən xəbər verir ki, ötən ilin eyni dövrü ilə müqayisədə qonşu ölkədən mal-qaranın idxalı 2,9 dəfə artıb.
İdxal olunmuş mal-qaranın dəyəri ötən ilin analoji göstəricisi ilə müqayisədə 2 mln. 793,9 min dollar və ya 5 dəfə çoxdur.
