Sumqayıtda ana xəstəxanada doğuşdan sonra dünyasını dəyişib.
“Report”un xəbərinə görə, hadisə 2 saylı Sumqayıt Şəhər Xəstəxanasında baş verib. Belə ki, 1988-ci il təvəllüdlü Məmmədova Gülsüm Ramil qızı körpəni dünyaya gətirdikdən sonra dünyasını dəyişib.
Mərhumun yaxınları onun ölümünü həkim səhlənkarlığı ilə əlaqələndirirlər. Xəstəxanadan isə bildiriblər ki, qadın qanaxmadan ölüb.
Onun meyiti Məhkəmə Tibbi Ekspertiza və Paraloji Anatomiya Birliyinə təhvil verilib.
Fakt araşdırılır.
